Kanya design line +91 93769 88999 — one message a day, nine designs, registered buyers only. Register → Navratri — ready stock in Ahmedabad, 12 sets a design. Register →
Makes her a perfect she

Buyer registration · wholesale only

Ek baar register — phir roz ke nau design

Kanya Creation sirf vyapaari ko bechta hai, isliye roz ka design message sabke liye nahi hai. Visiting card ki photo sabse aasaan hai; card na ho to niche ka chhota form — Priyank khud dekh kar haan karenge. Collection khula hai, use bina register kiye dekh sakte hain.

1 Visiting card

Sabse aasaan raasta. Card ki photo dijiye — firm ka naam, market, GST, sab usi mein hota hai.

2 Firm ki jaankari

Card nahi hai? Tab yeh sab zaroori hai.

10 digit. Isi number se aage sab hoga, isliye jo phone aapke paas hai wahi likhiye.
Jaise Sumel, New Cloth Market, Raipur — ya jis wholesaler se lete hain. Bahar ke shahar se hain to apne shahar ka market likh dijiye.
15 character. Hum check karte hain, isliye dhyan se likhiye.
3 Vyapaari reference — naam aur mobile
Reference 1
Reference 2
Reference 3
4 Aakhri do baatein
Pehle se jaan lijiye, baad mein nahi. Ek design ke barah set — set-to-set, single piece nahi. Naye buyer ka pehla parcel: 4 design × 12 piece = 48 piece, payment online advance; uske baad normal chalta hai. Har dispatch par GST invoice. Maal aapke hi transporter se jaata hai, isliye pahunchne ka din hum nahi bol sakte.
Pehle collection dekhein

Abhi season chalu hone wala hai — jitna jaldi register karenge, utni jaldi counter ke liye naye lot dikhne lagenge.

Navratri ka buying season chalu hai. Aaj register kijiye — Priyank khud dekh kar ek-do din mein jawab dete hain.

Yeh form kya karta hai. Register = pehchaan: Priyank jaan lein ki aap kaun si firm hain. Roz ke nau design ka message upar wale alag tick se chalu hota hai — woh aapki marzi.

Aage kya hota hai

Char kadam, aur aap andar

  1. Form bhariye

    Card ki photo — ya firm ka naam, pata, mobile, GST aur market. Ahmedabad mein kaam hai to teen reference.

  2. Number verify

    WhatsApp khulega aur message pehle se likha hoga. Aap bhejenge — usi number se hum aage baat karte hain. Na koi OTP, na koi password.

  3. Priyank dekhte hain

    Har application unke saamne aati hai. Card, GST aur reference dekh kar woh khud haan ya na karte hain. Reference woh khud check karte hain — Maskati Mahajan aur CMAI ke through. Jab tak haan nahi, koi design nahi jaata — sirf confirmation aur visiting card ki maang.

    Naye buyer ka pehla parcel: 4 design, har design ke 12 piece — kul 48 piece, payment online advance. Uske baad normal chalta hai.

  4. Roz ka message chalu

    Haan hote hi aapka number roz ke design message par chalu — pehla message jald, aaj ke nau design, naye lot pehle; din mein ek, isse zyada kabhi nahi. Purana design dobara chahiye to naam likh dijiye — stock mein hoga to bhej denge.

Sawaal

Register kyun karna padta hai?

Main to sirf design dekhna chahta hoon

Samajh sakte hain, aur dekh sakte hain — collection khula hai, bina register kiye. Register isliye hai ki roz ka design message sirf vyapaariyon ke paas jaaye: hum manufacturer hain, dukaan nahi, aur jo designs roz nikalte hain woh Ahmedabad ke market mein copy ho jaate hain.

Mera data kahan jaata hai?

Abhi seedha WhatsApp par. Yeh form aapke apne phone par ek WhatsApp message bana deta hai — jab tak aap send nahi dabate, kuch bhejaa hi nahi gaya. Send karne ke baad woh ek aam WhatsApp message hai, jo Priyank ke Ahmedabad wale inbox mein aata hai aur unke apne computer par likh liya jaata hai. Kisi ko bechte nahi, kisi ko dete nahi. Poora hisaab privacy policy mein likha hai.

Password yaad rakhna padega?

Nahi. Koi password nahi, koi login nahi. Aapka mobile number hi aapki pehchaan hai — designs usi number par WhatsApp message ban kar aate hain. Phone ya number badal jaaye to us hi chat mein likh dijiye.

Kitna time lagta hai?

Priyank khud dekhte hain, isliye aam taur par ek-do din. Agar reference se baat karni ho to thoda zyada. Jawab usi chat par aata hai; do din mein kuch na aaye to wahin ek line likh dijiye.

Minimum kitna lena padta hai?

Ek design ke barah set. Yeh wholesale hai — set-to-set. Poori shartein terms mein hain.